今天在家中執拾雜物
收好不動產去床下底
騰出空間準備迎接維修工程
晚上再去新都城補給物資及晚飯
過埋這兩晚
下星期便有排忙了……
準備沙塵滾滾
打個五五折
今日師傅上嚟睇完位
夜晚林生打嚟報價
平咗成八千所以即刻拍板去馬
下星期一搭棚
然後星期三整煤氣喉
希望沙塵滾滾後便天下太平啦
無啦啦又要跌錢
今日要 work from home
等煤氣公司派人上嚟度位報價
等到三點幾有人嚟到
個師傅揸住把呎度吓呎吓
喺隻窗望吓望吓
跟住用個平板篤吓篤吓
計完比我一睇眼都凸埋
淨係搭棚費都成一萬二千五
維修（新鋪）煤氣喉就要差唔多七千
夾埋接近兩皮真係好貴⋯⋯
但唔整又唔得⋯⋯
現在等緊林生上嚟報價睇吓比佢整可以慳幾多
如果都係貴的話可能要諗諗轉用電熱水爐
近排都好黑仔
整完一樣又一樣
希望惡夢快啲過去啦
鑊鑊新鮮鑊鑊金
今次真係大撚鑊
今天收工返到屋企後
無啦啦有人㩒鐘
開門見到有個貌似維修技工
話樓下單位廁所有漏煤氣跡象
想入嚟檢查係咪我屋企煤氣喉有問題
睇過佢有員工証係真係煤氣公司職員
於是開門比佢入嚟檢查
發現我哋屋企嘅煤氣確實在漏氣
佢揸住個儀器check一輪
話我屋企條煤氣喉
由錶位開始之到入廁所果段
某部分正在漏氣
但因為成條喉都係藏喺地下入面
所以冇辦法知道確實漏氣位置
而由於安全理由要熄咗個煤氣掣
直到維修妥當為止
維修方案係搭一條新喉替換現有果一條
但問題嚟喇
現在果條藏在地下
我哋冇可能掘起個地下鋪條新線
所以解決方案係好似水喉咁由外牆走
但要搭棚維修
價錢要明天師傅嚟睇睇報價先知
如果唔兜外牆都可以在室內鋪喉
但咁樣就會非常樣衰唔係咁想喇
最後還有個終極方案
就係放棄個煤氣熱水爐
換個電熱水爐
不過一樣要拉電線入廁所
但好似工程冇咁大
暫時這一刻都係要等明天師傅嚟睇睇先知
所以都急唔嚟
都唔知今年做乜咁黑仔
鑊鑊都大大單
究竟幾時啲衰氣先會遠離我呀⋯⋯