自從 2020 之後
經歷讓我改變想法
以前會諗得好長遠
以為可以直到永遠
但意外無法避免
諗得幾完美都敵不過意外
當遇上意外之後無可避免要改變計劃
所有既定程序要重新考慮部署
然後之前做嘅嘢諗嘅嘢變成白費
所以現在思想直接得多
會諗要做幾耐可以做幾耐
係長遠目標定係短期方案
屬於可控範圍還是被動工作
設定時間然後重新考慮整個計劃可唔可行
不過將來嘅事有誰可以擔保
現在見步行步盡量做好自己啦
長揸短炒
疑似被搵笨
返咗呢份工都兩個幾月
做嘢基本上係應付到嘅
不過感覺有點不爽
個 Title 係 technician
人工都係 technician 咁
返工都要 shift 星期六日同埋夜班
但做嘅嘢就包辦埋 System Administrator
難聽啲講係做阿四一腳踢
人工同實際工作唔合理
我唔介意做多啲
但感覺怪怪的有點委屈
新工返成點？
忙就唔算好忙
不過未熟架步
好多嘢未上手
需要點時間慢慢磨合
越老越怕死
以前啱啱入行果時乜都唔識
唔抗拒接受新事物
乜都會走去試
摸吓摸吓學到好多嘢
當然中途會試過撞板
但後生輸得起
跌倒又可以好快復原
爬返起又繼續由頭嚟過
不過唔知幾時開始害怕轉變
驚辛苦建立嘅嘢會被催毁
好驚要學習新事物
驚一朝醒來乜都冇哂
但時晨到了要留也留不住
從頭開始真的很恐怖
馬死落地行
人生好彩的可以一帆風順
唔好彩的會經歷高山低谷
要努力面對克服恐懼
希望有一日又可以回到安穩的舒適圈