加完硬墊後
下一步想換線同加個好啲嘅phono比隻唱盤
但好似一寬三大
其實屋企套嘢都唔係高級嘢
屎忽痕都要忍一忍
停一停諗一諗先
諗清楚要乜先
音質改善工程2
今晚收工返到屋企
摷返兩塊麻石地板出嚟
好彩之前整屋剩餘的幾塊厚料完整沒有棄掉
現在所餘只有五塊
用了兩塊墊喇叭
都算冇白費空間儲存咁多年
呢家兩邊喇叭都墊了石板
聽落聲音實淨咗冇咁散
距離目標高音甜中音準低音勁
又踏前咗一小步了
音質改善工程
初初買部合併膽機返嚟都冇乜要求
求其駁好有歌聽就收貨
但自從有部黑膠唱盤後就屎忽痕
開始稍稍有點要求
想有少少膽味
想用有限資源提升現有設備到極限
盡量達到高音甜中音準低音勁嘅水平
第一步係攪攪對喇叭
網上爬文後試試加塊麻石墊底
又的確係有改善喎！
要節制吓喇
今日起身後便去西貢食個 brunch
然後去 Moni Stand 飲杯珈琲
原本諗住再去游水
但又發生了一點事情
所以又返咗屋企
夜晚再去德福食個飯
再去 HMV 睇碟
點知 HMV 又做緊特價八折
咁啱又搵到目標獵物
於是又出血買了兩套大碟返屋企慢慢煲
由上星期買了唱盤開始
都未夠兩個禮拜
藏碟量已經去到十七隻
睇見都開心
隻隻都係心愛的珍藏
不過咁買法都唔對路
原先都係諗住一個月每人可以買一套
但一見到唱片鋪見到心頭好真係好難忍
又驚遲咗比人買咗
又驚下次搵唔返
不過真係要忍吓手
真係要一個月先好行一次唱片鋪喇