Ghöz | SnG
今個星期工作量等於一個月的份量
真係飽哂
今晚做到差不多七點先走人
收工後去咗旺角睇唱片同晚飯
去到信和已經七點九
上到去都打烊了⋯⋯
再去荷李活中心但原來已經執笠了⋯⋯
空手而回很失望唯有去食晚飯
但個旺角真係好擠擁
簡直可以形容為吋步難行十分討厭
幾經艱難行到去雅蘭
揀了間冇咁多人的台灣嘢
等了一陣便有位
食飽後行了一陣後
再死心不息去女人街搵間舊唱片鋪
入到去見到有大量黑膠真係眼前一亮
依家要喺香港搵黑膠碟真係有點困難
就算有都只會係一個小旮旯得數隻比你揀
看見這麼多真係好開心
感覺回到舊屎的學生年代
天天入去唱片店拎起睇完又放低
慢慢儲錢先夠錢買一隻
但已經十分開心滿足
自從轉了世代
聽歌只會聽mp3後
連歌名都唔知
樂趣漸漸失去
但買了部黑膠唱盤後
聽歌的樂趣便開始回來
我哋在這家唱片店揀到樂而忘返
最後足足買了五隻唱片
滿載而歸?
琴晚玩部黑膠唱盤玩到三點幾先肯瞓
所以今日起身時已經兩點⋯⋯
起身煮返琴晚食淨嘅物資
然後又煲了幾集射鵰
晚上先出街去洗車
之後去新都城晚餐再行一陣
返到屋企又繼續煲射鵰
連續煲了幾日
今晚終於睇埋大結局了
自從近兩次轉字頭之後
開始唔係咁想過生日
每年過生日都好似數緊自己又老一歲咁
雖然如此
生日始終年年都有
只要簡簡單單開心快樂便已足夠了
近幾日都比較忙
但多嘢做又會有多啲存在感
收工後去買海鮮打邊爐
一邊煲射鵰一邊滾滾吓
食飽後再拆禮物
今年自己揀生日禮物
人生第一部黑膠唱盤
雖然唔係什麼名牌貴價貨
但可以擁有已經心滿意足
聽黑膠始終是情意結
細個冇錢玩
只能夠買卡式帶
現在能夠擁有一部真係非常開心
第一次放唱片
第一次開機
但唱盤冇轉動⋯⋯
原來組裝時冇拉好條皮帶⋯⋯
之後裝好再開機
見到唱盤轉動真係好興奮
跟著第一次放唱針聽歌
但未set好條臂
再慢慢調整平衡
然後再開始
終於有聲出來喇
黑膠果種味道⋯⋯
太誘惑了！