快閃果然嚟得快去得快
好耐冇試過去旅行返嚟第二日便開工
通常我都會請多日假調整心情
不過今次形式唔同
應該唔算係一個旅行
最多只歸類為放假出外走走
有點似去大棠渡假般小型
不過間唔中玩個長週末都幾開心
應該兩三個月攪一次放鬆自己都唔錯
又回復正常
今年最後的任性
話咁快又到最後一日
今天瞓到八點先起身
落街食個早餐後便去買手信
速去速回返去執齊包袱
然後退房擺低行李喺酒店
便又再去盡最後努力玩埋餘下半天
我們去了信義那裡行吓
今日都係行到腳跛
雖然如此
週圍睇吓嘢渡過一個異地週末
都好滿足了
行到三點幾
飲個下午茶
然後回酒店取回行李
便開始回程返屋企了
搭捷運好快便去到機場
但班機又遲咗大半個鐘先起飛
返到香港已經差不多十一點
攞埋行李返到屋企
沖埋涼即刻瞓
聽日又要一早起身返工了
平溪十分華山永康
今日真係行到腳都跛
一早起身便去食個早餐
跟著便去台北車站搭車去瑞芳
然後轉火車去菁桐
落車望兩望冇乜特別
於是便又搭車去平溪
行咗陣食條腸
參觀吓個防空洞
睇吓人放天燈
之後便又搭車去十分
這裡熱鬧好多
好多人放天燈
最攪笑係有火車經過便要走鬼
但一過咗啲人湧返出路軌好得意嘅景象
跟著行咗去睇十分瀑布
再食個地道午餐
有個招牌鐵板炒麵、豆乾、甜不辣同埋蚵仔煎
價錢經濟又好好味
食飽便搭返火車去華山文化園區行吓
果度行吓消磨吓時間
夜晚再去永康行食晚餐同行吓街
最後返到酒店樓下再買個楜椒餅返房食
基本上今日都係不停咁行同食
盡情咁放縱今年最後一個外遊假期
台北快閃
冇咩行程安排
純粹想放髹吓
一早天未光便搭機場巴士
條巴士線開咗咁耐都係第一次搭
原來都好多人搭喎
去到機場唔洗寄行李
直接入禁區食早餐
然後輕輕鬆鬆上機出發
但遲咗成個鐘先可以起飛
到台北已經十二點幾
唔洗等攞行李十分方便
直接入境然後搭車出台北車站
去到酒店又老討
差十五分鐘都唔比 check in
咁唯有行一陣再返去
上到房擺到行李便出發去行街
第一站去富錦街
行吓啲地區小商店
再飲杯珈琲
之後便去饒河夜市掃街
食咗個螺肉串燒、胡椒餅、藥膳羊湯、臭豆腐
最後飲埋杯白苦瓜鳳梨汁
食得唔多但又好滿足
食飽便搭捷運回台北車站
行多陣地下街便回酒店
沖個涼hea一陣便上床休息
準備明早繼續去吃喝玩樂