去完旅行後的兩個月
才正式開始執相
頭兩三日都比較輕鬆
兩個人三部機
都可以好快校啱啲時間軸
但往後果啲就會比較困難喇
不過現今個個都用iPhone影相拍片
而個iPhone本身會自動校啱個時差
所以問題都冇以前咁煩
不過⋯⋯
其實最大問題係好難收返齊啲相⋯⋯
埋頭苦幹
執相前先執個嘜頭
之前因爲要upgrade隻NAS
所以拖咗成個月之後
家吓先又再繼續執去英國旅行嘅照片
相比起去滑雪啲相
今次英倫之旅又係一個艱鉅任務
之前去滑雪成個旅程夾埋都只係一百四十幾張相
但去英國之旅頭一日已經二百幾幅
真係滑雪同真旅行分別好大
不過執相都係一種樂趣
每次睇返旅行嘅照片
每段回憶又再湧上心頭
睇返啲相好似又再去多一次咁開心
而且呢兩日成功學識用PS’退地‘
日後要執相整logo或水印都方便好多了
英倫之旅第十四天
今天基本上都係屈喺隻飛機入面吽咗大半天
琴晚倫敦時間晚上十點起飛
食咗兩餐瞓咗幾粒鐘睇咗兩套戲
到香港時間六點返到
全程呆坐十二小時真係呆呆地
落機攞齊行李便打的返歸
兩星期的英倫之旅正式落幕
明天又要回復忙碌生活
上班搵錢準備下次旅程了
英倫之旅第十三天
嚟到今次旅程最後一天了
早上 check out 後行一會 Hyde Park
然後去 Victoria and Albert Museum 行吓
再食個 brunch 之後便過去 Harrods
心水選擇睇唔啱所以都係空手而回
不過都買咗幾罐餅做手信
跟住搭車去 Covent Garden
今日週末所以都幾多人
而且都幾多街頭表演幾多嘢睇
再行吓 Apple Market 就有點收獲
有人買到隻木製錶殼嘅手錶
價錢都唔貴而且幾特別
行完 Apple Market 後
便去 The Rock & Sole Plaice 食個 fish and chips
嚟咗倫敦食第三次
今次係最好味嘅一次
不過都係冇西貢果間咁好味
食飽後便開始回歸旅途了
首先搭車回酒店拎行李
然後行去火車站搭火車去機場
攪埋退稅後便寄行李
過埋安檢過海關便入禁區
一切準備就緒但仲有大把時間
最後衝刺洗埋啲大餅後
便上機踏上回歸旅途了