Ghöz | SnG
今天是今季最後一滑
但我們已經筋疲力盡
只可以慢慢遊山玩水
朝早起身食個早餐後
便返房慢慢hea吓先換衫
最後一天諗住去條闊啲嘅雪道練習吓啲基本功
搭lift上山再滑到過去
搵吓路又影吓相
過到去已經十一點幾
玩一陣便食 lunch
抖咗個零鐘又繼續下半場
不過玩咗咁多日
又攰又有傷
所以玩咗一陣便開始滑返過去酒店
回程一如過去幾日
塊地又硬又冰
所以最後我哋搭返架 Gondola 返落山
返到去見到有條廁所泵
於是便去拉吓練習吓
好彩今次又拉到
有返啲世窗廁所泵嘅感覺
玩完便返酒店準備執包袱
準備明天踏上歸途回家去了
今日晨早六點半起身
七點去食早餐
八點前要換好哂衫
八點開車去 Alpe D’Huez
兩小時車程後到達目的地
今天在這個雪場玩一天
這日亦都不停落雪
終於有番啲滑雪嘅感覺
我們大約十點半開始跟導遊遊山玩水
有人帶住唔洗睇地圖真係好玩好多
而且塊地真係有雪唔係冰面
終於有返少少自信心
玩到十二點半便食個 lunch
然後搭纜車上到山頂
拍個照後便搭返架纜車落到山腰
然後便滑返落山
由於很大霧
能見到低睇唔到路
所以都係一仆一碌先碌返去
本來有諗住繼續玩
但能力耗盡又差不多時間
所以是日便收工了
五點鐘準時開車返酒店
七點幾返到去
換件衫便去食晚飯
尾二一日都叫做終於今年滑過雪了
今日真係疲態盡露
所以 hea 住玩
瞓到七點幾
八點先去食早餐
然後又 hea 到十點先出發上山
早上塊地都仲勉強玩到
就住就住玩咗個上午
然後喺餐廳食個 lunch
食飽後抖一陣便出去繼續
但奈何個場好多時 close 咗條 run
又有啲 chair lift 又唔開
見到個 snow park 塊地又硬又冰所以又唔敢玩
於是兩點幾便打道回府
回程路上又係好多冰面同碎冰粒
跣吓跌吓一仆一碌先返到酒店
呢個場玩咗四日
感覺超不愉快
一來冇落過雪個地下又硬又冰
但天氣嘅嘢冇辦法預計
二來個場嘅 lift 有啲都唔開
指示又不清楚
所以經常行錯路玩得唔爽
明天會去另一個場玩一日
希望明天個場會好啲啦
我們今季滑雪第三天
其實都真係幾攰
但一場嚟到點都要出去劈返幾轉
今天跟團友們一齊玩咗一個上午
雖然好攰
但為免影響其他人嘅進度
所以谷盡體力爆發小宇宙
勉強跟得到
但玩完半晝已經筋疲力盡
所以食完 lunch 便離隊回酒店了
年紀大體力差真係無可避免
感覺今年跌 watt 得好緊要
想做嘅動作都力不從心
右邊大脾更加唔爭氣經常抽筋
睇嚟我要認真考慮轉玩 ski 了