今日好懶好唔想操呢一課
但都強迫自己去跑咗兩公里
好彩冇落雨但地下好多積水
加上呢幾日好似都未完全恢復狀態
所以跑得好辛苦
但相信辛苦過後會換嚟成果嘅??
第四課
歐羅匯率
今日訂咗隻 WiFi 蛋
準備好嚟緊嘅法國滑雪之用
再睇吓歐羅咩環境
兌8.8幾唔算高又未係抵
之前去瑞士滑雪都好似有淨啲歐羅
距離出發尚有個多月
應該可以再觀望吓先出手嘅
第三課
距離下個雪季尚餘個多月
應該可以操多四至五課
跑⋯⋯不是為了減肥
只是為了嚟緊嘅雪季
應付歐洲雪場係需要比日本雪場更多的體力的！
本季第二課
今日收工後又去跑一跑
不過今天狀態差過上星期
跑返同等份量但對腳就好似重到加咗鉛咁
幾經辛苦先跑夠
距離去法國還有兩個月
希望趕得切操返起啲體能啦