不驚不覺法國及西班牙之旅已經完結了三個月
拍拍埋埋嘅片同相都未處理
雖然有人仲未 upload
不過我哋都放棄咗佢了
而因為特別事情
取消了韓國之旅
又多咗點時間喺屋企
所以就開始了視頻製作
第一條片亦都順利完成
希望繼續推出啦
旅遊特輯
旅行後要好好休息
旅行期間日日都玩到好攰
今日終於可以靜靜地抖一日了
不過夜晚約咗朋友食飯
佢一家大細下個月便移民英國了
祝佢順順利利生活愉快啦
返到屋企了
眼光光咗成程機
今朝七點鬆啲就降落香港了
喺機場飲埋個茶就正式結束今趟旅程
總結係日日攰到爆又熱到爆
不過係好玩嘅
啲建築好靚
啲環境好靚
啲海灘好靚
啲生活好正
如果發咗達可以喺歐洲生活就好喇
但現實係旅程完結又要返嚟捱了
打的返到屋企開始旅行後嘅工作
洗衫執相整理埋數
諗起到覺得頭痛⋯⋯
巴塞隆拿最後一天
2019Spain+France – Photo Album
瞓咗幾粒鐘又要起身食個最後的早餐
行十幾分鐘去咗一間想試嘅蛋糕店
食完試完心滿意足地又行返酒店
輪標完執齊嘢便正式踏上歸途了
我們打的到巴塞機場
十一點半左右到達
然後行李寄倉再攪退稅
但退稅非常之麻煩
要去幾個地方又要排吓隊等好耐
最終攪完一輪都只係退回港幣九十幾蚊
攪掂後已經要趕去閘口登機
之後要坐十三個鐘頭
明早七點左右就會回到香港了