今天酒店包早餐
食飽便開車出發去種差海岸行吓
跟住去八戶食個爐端燒
再跟吓買手信
最後又係趕行程天黑先去到今晚住宿地方
好彩嘅係 Backpacker 都唔太差
更好彩嘅係原來可以加錢食晚餐
如果唔係都唔知邊度搵嘢食
不幸嘅係明天計劃迷失了
Day4．種差八戶
Day3．遊山玩水
一早起身落街食個靚早餐
然後便出發去八甲田山
去到買咗飛便四圍行吓影吓相
跟著便搭架纜車上山
行吓影吓相睇吓風景
便搭返纜車落山繼續行程
城蒼大橋到此一遊
再路過地獄沼
蔦沼個倒影好靚
之後去奧入瀨麥酒館食唔到 pizza 嘅 lunch
最後去睇草菅彌生嘅藝術公園
本日行程完畢後便到酒店放低行李
然後再出去食晚餐
行程緊密的一天行程便圓滿結束
Day2．直上青森
今朝一早起身執好包袱便出發
搭新幹線上青森
上車前買定弁丼做早餐
食飽又瞓一陣
三小時左右便到達
落車行幾分鐘便去到租車公司
順利攞完車便正式衝破東北魔咒
出發去弘前公園
一小時車程後順利到達
遊覽吓欣賞吓紅黃綠葉
行完弘前公園再去個蘋果公園食蘋果批
食飽後便開車回到青森市
再行埋個 A-Factory 食咗個 gelato
然後便到酒店 check in
最後再去食碗拉麵
完美完成今天行程
Day1．東北魔咒
終於出發
但硬係有啲阻滯
雖然屋企去機場果程的士好危險
雖然航空公司搬行李時整壞咗我個喼
雖然登記唔到免稅果個 VJW QR code
雖然明明 book 嘅係洋式但一開門見到和式
不過都阻止唔到我哋去玩嘅決心
縱使有咁多阻滯
但係都有好多順利嘅事情
之前有用時間去計劃同埋預訂車票同酒店
到臨場發揮就功效顯著喇
揸住個 QR code 行埋去
就攞到成田去上野嘅 Skyliner 車飛
跟住去到上野 JR station
行埋去個上次敗走嘅自動售票機
do 個 QR code 就出哂成套新幹線車票
真心覺得勁方便
最後再去食埋個炭爐燒肉
完滿第一天魔咒之旅