Tag: 2024大阪和歌山

今天晨早六點就起身去浸個頂樓溫泉
環境唔錯但服務就⋯⋯
起身食飽就上路
首先去影個一望無際嘅海景加浸腳嘅地方
再揸兩粒鐘車去勝浦漁港食個 lunch
然後就去咗啲景點上山打個卡
跟住就長驅直進去中之島酒店
這間溫泉酒店就比之好好多
飲飲食食加交通都一流
到步後先去浸個溫水
再飲吓嘢就食晚餐
食飽就返房繼續飲吓傾吓
然後便散水休息了

今日行程緊密
先去六甲山途中食個 Komeda 早餐
食飽上山頂行個圈
然後去黑潮市場食個吞拿魚丼
跟著去酒廠 shop 吓 ping
買咗支大吟釀夜晚品嘗
之後再去湯淺醬油食個醬油雪糕
估唔到又幾夾幾好食
食完繼續行程去到天神崎睇日落
好好彩準時到達同埋好好天
影咗好多靚相之後
最後到達今晚溫泉酒店
可惜今次這間溫泉酒店印象唔係咁好
不過好又一次唔好就冇下次
都係住一晚啦

最後祝論盡豬豬生日快樂健健康康肥肥黑黑

今天同臀友集合
由心齋橋出發
首先去箕面食早餐
然後去睇條滝
跟著去 Outlet 血拼
最後去神戶落腳一晚
食個神戶鐵板燒
再飲兩杯先返酒店休息

今日租車去遊琵琶湖
原本以為個幾鐘可以去到
點知塞車要兩個幾鐘先到達第一站浮御堂
行吓參觀吓之後便去食 lunch
同樣係近江牛但係都係第一次好味道啲
不過可能係煮法唔同
點都一定係炭烤最好食
食飽就上琵琶湖山谷行吓
上到去原來都幾凍吓
同埋我哋都太晏先上到去
好多嘢都唔夠時間玩
四圍行吓影吓相便搭返纜車落山
開車返大阪時又塞車
原定六點返到但最終七點半先返到大阪還車
跟著再去返 UNIQLO 攞返啲戰利品
然後去買手信
再返酒店放低行裝
最後去食牡蠣鍋晚餐
今天行程雖然有點阻滯
但係都玩得好開心