Ghöz | SnG
隻新 NAS 買咗接近半年
近呢個星期日日忙於研究隻NAS嘅玩法
經過多次失敗重複試驗
今天終於完成大遷徙將啲 VM 搬哂入去
順手可以熄埋隻 Raspberry Pi
完成目標一機攪掂
不過一體化雖然方便控制
但將所有雞蛋放哂入一個籃
又真係有點危險
希望唔好有事啦
最多密啲做備份啦
唯一仍然未解決嘅問題係VPN
如果攪掂埋就真係一騎擋千喇
大致上家居電腦網絡設備都升級得八八九九
住咗接近十年
現有設備都只是開始換新一代
都算好合理
等到條寬頻線約滿後
再轉用光纖升級埋去1000M
咁第二代鬼屋網絡設備就正式完成
希望下個十年都可以安安定定啦
隻 DLNA 算係交貨了
但仍然有點難關有待解決
首先係唔知點解個電視機
突然間唔 support .mov 同埋 .wmv 嘅 files
以前用隻 NAS DLNA app 就好哋哋
唔知係個電視 update 咗 firmware 嘅問題
定係隻 Ubuntu + minidlna 有問題
原因不明有待研究
第二樣係唔識自動更新新 file
佢一定要喺隻 Linux 入面放入去先得
如果就咁經 iMac 拉個 file 入去 NAS
咁隻 DLNA 就唔知有新 file 要更新
真係有點傻⋯⋯
不過都有其他嘢有改善嘅
就係用咗這個新 DLNA 之後
隻 OPPO Soncia DAC 終於又可以播返 .wma 了
忙了一天
終於發現個問題在於新版本的 Ubuntu
安裝 18.04 就好多嘢都裝唔到
但一裝返舊版 16.04 就即刻可以裝到
又上網搵吓解決方案
亂打亂撞又比我攪得掂
不過隻 server 比我玩到殘咗
聽日再推倒重來由頭起過隻
最近埋頭苦惱攪隻 NAS
剛剛起好隻常用嘅 remote desktop
但又發現另一個問題
就係個 DLNA service
自從 update 咗個 firmware 之後
喺個電視就播唔到片
初時以為因爲我起咗隻 VM
workload 大咗導致隻 NAS 頂唔順
但試過熄咗隻 VM 都解決唔到個問題
於是上網爬文同問 Technical Support
得到答案如下
我頂你個肺
唔試清楚就推出嚟比人用
咁洗乜 beta 版
全民做白老鼠幫你測試好冇 ?
於是
又研究緊放棄 QNAP 出果啲 service app
嘗試自己起隻 Linux Server 裝個 DLNA service
咁樣應該會好用過佢果啲爛鬼 app 囉