自從開始玩隻 Raspberry Pi 後
對 linux 系統都有點認識
普通操作大至順利
經過多日試驗
發覺家用機嘅ROM只可2P不能4P
只有街機ROM才可3P或4P
雖然如此
Recalbox+Raspberry Pi 絕對係價廉物美的選擇
Recalbox
重溫 ubuntu
記得好多年前開始接觸 Linux base 嘅 ubuntu
冇十年都有八年應該大約係零九年
當年都仲未轉用 Apple Mac
除了 Windows 都唔識用其他 OS
認識 ubuntu 係因為佢個圖象介類似 Windows
操作上好快可以適應
仲記得當時第一部 notebook P7120
因為行 Windows XP 比較慢
所以安裝個 ubuntu 嚟用
感覺真係爽好多
但當年都只係用個圖象介面唔識用 command line
所以都唔算真正接觸 Linux
近日因為攪個 Website
所以要學吓用 Linux
而個 official Raspberry Pi 嘅 OS Raspbian
本身就係 ubuntu 變化出來
所以用起上嚟好有親切感
於是乎琴晚屎忽痕 download 個最新版本嘅 ubuntu server 落嚟玩吓
一睇原來已經咁多年轉咗咁多個版本
當年係用 9.10
現在最新 version 係 16.10
但我想玩 Server 版
所以下載了 Ubuntu Server 16.04.2 LTS
唔用最新版 Ubuntu Server 16.10 係因為 LTS
LTS stand for Long Term Support
感覺好似會穩定啲耐用啲
雖然我都只係裝落個 VMware 玩吓
但唔排除第時有機會轉用嘅
因為今日重頭起個 website 入去
感覺好爽好方便
再試吓 restore 現行用緊個網站 data 入去
完全快捷冇難度
所以當年冇比心機學好佢都有點後悔⋯⋯
又學到嘢
少部份零碎問題都逐步逐步慢慢解決中
困擾了長時間的 Size Limit 都完全解決了
簡直係將個網站卐解一樣
感覺好爽
不過唔知係咪物極必反
電腦嘅形容詞係有 bug
解放了限制隨之而來係另一個問題
不過問題不大可以容忍
近呢幾日長期對住隻 web server 係咁砌
但學識基本 linux 操作
又認識了 MySQL 嘅皮毛
感覺獲益良多
手多推塌咗
本來諗住執整齊啲 directory 方便管理
但一搬個去隻 NAS 嘅時候就出事喇
自己都覺得非常多手
明明自己唔熟 linux 嘢
仲要行 apache 同 mysql
一攪之後起唔返啲 service
衰咗後當然要搵辦法攪掂佢啦
好在有 Google ?個好朋友
一邊搵一邊整
最後用咗成晚先成功將個 DB 部份搬去 NAS
不過經過今次失敗
從中又增長了好多未接觸過嘅知識
獲益良多