Ghöz | SnG
隻新 NAS 買咗接近半年
近呢個星期日日忙於研究隻NAS嘅玩法
經過多次失敗重複試驗
今天終於完成大遷徙將啲 VM 搬哂入去
順手可以熄埋隻 Raspberry Pi
完成目標一機攪掂
不過一體化雖然方便控制
但將所有雞蛋放哂入一個籃
又真係有點危險
希望唔好有事啦
最多密啲做備份啦
唯一仍然未解決嘅問題係VPN
如果攪掂埋就真係一騎擋千喇
大致上家居電腦網絡設備都升級得八八九九
住咗接近十年
現有設備都只是開始換新一代
都算好合理
等到條寬頻線約滿後
再轉用光纖升級埋去1000M
咁第二代鬼屋網絡設備就正式完成
希望下個十年都可以安安定定啦
今日上網摷返啲街霸系列嘅rom
原來都冇拳皇出得咁多咁密
其實我都只係玩到街霸2後期嘅十二人版本
之後嘅街霸2十六人版好似都冇乜玩過
再之後果啲 Zero 1 2 3 基本上都只係聽過吓
當期時都已經好少會入機鋪打機了
然後再出嘅街霸III IV V根本上冇見過冇玩過
但最近見到街霸figures又忍唔住買嚟玩吓
畢竟阿隆阿Ken春麗都係我嘅成長一部份
所以近排又忽然想玩吓街霸
就好似好耐冇約老友打機一樣
一開街霸果個熟悉又陌生嘅畫面
果種熱情熱血立時擁上心頭
但是⋯⋯人過四十
望著個畫面拎著支手掣
只能單打對電腦
仲要兩round被KO
不禁有點唏噓又帶點無奈⋯⋯
突然間好想玩返以前嘅街霸系列
於是又重啓隻 Recalbox Project
仲專登買隻手指專門用嚟方便入games
之前都已經裝好哂隻 Recalbox
所以搬去隻usb手指行嘅程序都好快攪掂
萬事俱備開機試玩
拳王系列算係入齊喇
街霸系列有1、2同埋Zero
仲有 Biohazard3
還有幾隻 4P game 看門口
可以玩返以前嘅回憶
睇見個電視畫面
真的有點感動
但現在只剩下自己一個單打
便有點孤獨感⋯⋯
今日抽起條筋
又攪吓嚟緊旅行嘅準備事宜
租車公司果度隔好價
都係豐田租車比NipponRentaCar平少少
所以取消一間又book回一間
慳咗七千幾yen
都成幾舊水港紙呀
之後跟手book埋WiFi蛋
預早book又慳咗啲
租十三日都只係百二蚊真係抵到爛
餘下要處理嘅事務就係買旅遊保
然後便等待出發了