今日特登去買張64GB卡去招呼隻 Raspberry Pi
諗住去裝個 NOOBS 然後可以裝多個 OS 行 Multi-Boot
點知原來 Raspberry Pi 只 support FAT32 嘅 format
而大過 32GB 嘅卡只可以係 exFat format
所以又要攪一輪先起到機
不過這種體驗令我想起廿幾年前第一次接觸電腦時嘅感覺
盲摸摸乜都唔識亂打亂撞好好玩
真係有種懷念嘅感覺
如何回到當時
Recalbox
攪完個 Website Project 之後
跟住落嚟便全力玩隻 Recalbox 喇
之前用兩隻手掣便有相撞問題
網上爬文發現原來用 Wii 手掣都可以連上
於是琴晚摷返兩隻 Wii 手掣出嚟
又真係可用喎
仲要冇相撞問題
玩吞食天地 3P 一齊打都冇撞
不過最大缺點係 Wii 手掣只得七粒掣可用
同埋擺位唔係正常手掣設計
所以只有 AB 兩粒掣比較正常
XY掣用得唔就手
再加 start 同 select
L1R1、L2R2只可四揀一
雖然如此
但如果淨係玩舊 Game 只用兩粒掣就非常好用
所以對我嚟講非常好用冇投訴
重溫 ubuntu
記得好多年前開始接觸 Linux base 嘅 ubuntu
冇十年都有八年應該大約係零九年
當年都仲未轉用 Apple Mac
除了 Windows 都唔識用其他 OS
認識 ubuntu 係因為佢個圖象介類似 Windows
操作上好快可以適應
仲記得當時第一部 notebook P7120
因為行 Windows XP 比較慢
所以安裝個 ubuntu 嚟用
感覺真係爽好多
但當年都只係用個圖象介面唔識用 command line
所以都唔算真正接觸 Linux
近日因為攪個 Website
所以要學吓用 Linux
而個 official Raspberry Pi 嘅 OS Raspbian
本身就係 ubuntu 變化出來
所以用起上嚟好有親切感
於是乎琴晚屎忽痕 download 個最新版本嘅 ubuntu server 落嚟玩吓
一睇原來已經咁多年轉咗咁多個版本
當年係用 9.10
現在最新 version 係 16.10
但我想玩 Server 版
所以下載了 Ubuntu Server 16.04.2 LTS
唔用最新版 Ubuntu Server 16.10 係因為 LTS
LTS stand for Long Term Support
感覺好似會穩定啲耐用啲
雖然我都只係裝落個 VMware 玩吓
但唔排除第時有機會轉用嘅
因為今日重頭起個 website 入去
感覺好爽好方便
再試吓 restore 現行用緊個網站 data 入去
完全快捷冇難度
所以當年冇比心機學好佢都有點後悔⋯⋯
又學到嘢
少部份零碎問題都逐步逐步慢慢解決中
困擾了長時間的 Size Limit 都完全解決了
簡直係將個網站卐解一樣
感覺好爽
不過唔知係咪物極必反
電腦嘅形容詞係有 bug
解放了限制隨之而來係另一個問題
不過問題不大可以容忍
近呢幾日長期對住隻 web server 係咁砌
但學識基本 linux 操作
又認識了 MySQL 嘅皮毛
感覺獲益良多