Ghöz | SnG
隻新 NAS 買咗接近半年
近呢個星期日日忙於研究隻NAS嘅玩法
經過多次失敗重複試驗
今天終於完成大遷徙將啲 VM 搬哂入去
順手可以熄埋隻 Raspberry Pi
完成目標一機攪掂
不過一體化雖然方便控制
但將所有雞蛋放哂入一個籃
又真係有點危險
希望唔好有事啦
最多密啲做備份啦
唯一仍然未解決嘅問題係VPN
如果攪掂埋就真係一騎擋千喇
大致上家居電腦網絡設備都升級得八八九九
住咗接近十年
現有設備都只是開始換新一代
都算好合理
等到條寬頻線約滿後
再轉用光纖升級埋去1000M
咁第二代鬼屋網絡設備就正式完成
希望下個十年都可以安安定定啦
自從裝咗個 Photo Gallery Plug-in 之後
因為成個 site 嘅 size 彭漲了十幾部
原因係啲旅行照片有成十幾 GB
所以 backup 就出咗問題冇可能日日都 Fully Backup
本來都唔覺有乜問題
但上星期大廈停電
電腦嘢熄一熄機就出事喇
好彩 data 冇事亦都起得返
但始終冇得日日 backup 都好似好唔穩陣
於是便開始諗解決方案
今日嘗試搬走啲最大 size 嘅 .orignal
測試後又對個相簿冇乜影響喎
咁就一於搬走哂佢試吓行個 backup
測試結果係成功
Backup size 只是 1 GB
雖然都唔算細
但儲七日應該冇乜問題
一於試行兩星期睇吓點啦
無啦啦隻 web server 又出狀況
玩咗成日都無乜頭緒
淨係知躂唔著個 MySQL
但點解起唔到身就原因不明
今天放假諗住去驗車
以為可以好快攪掂
但原來要放低架車等佢驗完先 call 我
於是便諗住返屋企 hea 吓
點知就發現隻 WordPress Web Server 有問題
兩點幾再出去攞返架車
揸返屋企再執返啲手尾裝返啲 LED 同車機
咁就又可以玩多年喇
返到屋企埋頭苦幹
初時以為係隻 giga switch 嘅問題
開櫃執哂出嚟重新佈線後
問題依舊所以應該唔關隻 switch 事喇
跟著玩咗成晚都係冇乜進展
uninstall 個 MySQL 再重新裝過都係唔得
諗住放棄要成隻 raspberry 剷過重灌嘅時候
嘗試一個最後方法
當初 setup 嘅時候
係將 MySQL 個 DB location mount 落隻 NAS
同埋 WordPress 個 folder 擺埋一齊
咁樣雖然係好複雜
但係啲重要數據就會儲存喺 NAS
而隻 raspberry pi 只係插一張 4GB SD 卡
一來 size 細裝唔到幾多嘢
去一次旅行嘅照片都起碼 10GB 8GB 啦⋯⋯
二來記憶卡真係好唔穩陣話死就死豪無先兆
所以設計係 OS 同 DB 分離
而個最後屎忽撞棍解決方案係
暫時將個 MySQL DB 斬開放返入去 SD 卡
攪一輪估唔到又 work 喎
真係比佢吹漲
玩到點幾兩點終於起返個 site
但之後都要諗諗點樣解決今次危機
估計隻 NAS 同 gigs switch 都唔捱得好耐
話哂都用咗十年八載五勞七傷
希望頂住唔好跌啦
原本諗住放假可以整個錶盒
睇嚟又要留待明天了
記得好多年前開始接觸 Linux base 嘅 ubuntu
冇十年都有八年應該大約係零九年
當年都仲未轉用 Apple Mac
除了 Windows 都唔識用其他 OS
認識 ubuntu 係因為佢個圖象介類似 Windows
操作上好快可以適應
仲記得當時第一部 notebook P7120
因為行 Windows XP 比較慢
所以安裝個 ubuntu 嚟用
感覺真係爽好多
但當年都只係用個圖象介面唔識用 command line
所以都唔算真正接觸 Linux
近日因為攪個 Website
所以要學吓用 Linux
而個 official Raspberry Pi 嘅 OS Raspbian
本身就係 ubuntu 變化出來
所以用起上嚟好有親切感
於是乎琴晚屎忽痕 download 個最新版本嘅 ubuntu server 落嚟玩吓
一睇原來已經咁多年轉咗咁多個版本
當年係用 9.10
現在最新 version 係 16.10
但我想玩 Server 版
所以下載了 Ubuntu Server 16.04.2 LTS
唔用最新版 Ubuntu Server 16.10 係因為 LTS
LTS stand for Long Term Support
感覺好似會穩定啲耐用啲
雖然我都只係裝落個 VMware 玩吓
但唔排除第時有機會轉用嘅
因為今日重頭起個 website 入去
感覺好爽好方便
再試吓 restore 現行用緊個網站 data 入去
完全快捷冇難度
所以當年冇比心機學好佢都有點後悔⋯⋯