Ghöz | SnG
撞車事件仍未明朗
警察今日都冇打嚟
現階段冇咩可以做
只可以等警察處理
但我綜合咗有幾個可能性：
OPTION 1 – 警察告他不小心駕駛 ==> 要他賠償損失
OPTION 2 – 警察調停雙方和解 ==> 自己負責修理費
OPTION 3 – 警察告雙方不小心駕駛 ==> 自己負責修理費及扣分、罰款等
OPTION 4 – 警察告我不小心駕駛 ==> 賠償對方修理費及自己負責修理費及扣分、罰款等
當然最理想係 OPTION 1
但應該個貨van佬唔會
如果 OPTION 2
比人撞完當冇事仲要自己比錢整車我會覺得好唔抵
但呢個係最快可以解決件事嘅方法
OPTION 3 & 4 係最唔想見到嘅
但都有機會
所以理智嘅選擇係 OPTION 2
但會覺得好委屈⋯⋯
不過都要睇吓警察點處理先
今日發生了交通意外
好彩只是輕微碰撞冇人受傷
但架車就花咗左頭泵把同左邊沙板淆咗
都唔知要整幾多錢⋯⋯
唯有當係破財擋災啦
其實我就覺得我冇錯
但比好多朋友睇條片後
都話係 50 50
話雙方自行和解會好啲
唔通真係大事化小
小事化無會好啲？
今日突然又好多嘢要去做
首先起身後便出發去探岳父
然後車埋岳母返屋企
先再去大榮華飲茶
飲茶期間NTI打嚟話今日師傅有空檔
問改今日打臘得唔得
我見都係要去攪一次
所以就突然多咗個項目要做
駛架車去擺低後
便去APM行一陣
再去觀塘廣場買個老人家電話
原來呢家想搵個有掣撳嘅電話都唔易
成個APM都搵唔到
要走到去觀塘廣場先有兩間有得賣
買完電話後就去咗工廠區一間 cafe 飲杯咖啡
等到六點幾先返去攞返架車返屋企
夜晚整個雞扒沙律加羅餸湯做晚餐
咁又過咗個 weekend
明天又要繼續打拼喇