哈比朋友昨晚在家借宿一宵
今早一起身賭場波贏餐茶
食飽便散水去洗車
之後宅在家中欣賞甲子園球賽
今天產生八強隊伍
明天四場八強戰
星期一休息一天
星期二兩場四強戰
星期三決賽加閉幕
所以得番三日有波睇了
睇波星期六
香港高級視聽展
近期迷上音響玩意
人人都以為玩音響好貴
但其實平有平玩貴有貴玩
一千幾百買部大陸機一樣可以玩得好開心
當然洗多啲錢買部名牌歐洲機啲聲會好好聽
不過豐險由人自我感覺良好就得啦
今日去了視聽展
見識過啲高檔貴價嘢
但自問玩唔起
只係買隻 Cambridge Audio 嘅 Phono AMP 補一補已經好滿足
同埋襯特價買咗幾隻黑膠碟
拎住一袋二袋真係好開心
收獲非常豐富
準備沙塵滾滾
今天在家中執拾雜物
收好不動產去床下底
騰出空間準備迎接維修工程
晚上再去新都城補給物資及晚飯
過埋這兩晚
下星期便有排忙了……
西貢玩樂一整天
今天去了西貢玩足一日
但入去時由於有修路工程
攪到塞車塞咗好耐先入到去
泊好車後去松記食個車仔麵
然後行一陣西貢
再去飲杯珈琲
之後便去爬個獨木舟
玩完曬完玩餐飽後便去布袋澳
食個海鮮晚餐
玩足一天非常滿足