Tag: Sat

對上一次揼骨應該都係幾年前嘅事
近嚟腰酸背痛真係好想比人揼吓爽一爽
於是乎網上搜尋睇吓邊度有按摩好介紹
一搵最就腳就係?間 Urban Retreat
貪佢夠近唔洗長途跋涉上深圳
雖然係貴少少但時間慳唔少
今日去做個全身中式按摩90分鐘
按完真係髹好多
不過唔知係咪好耐冇揼骨
加上日日返工對住個腦冇運動
按果時吓吓都好痛
按完好似被人揼咗一身咁
不過條腰的確舒服咗

爽完之後行去工廠區逛吓
以前不嬲都知上樓好多嘢行
但今晚第一次真係上去逐層逐層慢慢行
真係有意外驚喜
有護膚品又有衫褲又有玩具又有得飲飲食食
今晚我哋去到都六點幾七點
啲鋪都開始打烊
但係有人都買到滿載而歸
行完買完就去食晚餐
?座工廠大廈都有好多選擇
我哋三心兩意之下
最後揀咗食海鮮併盤加串燒
但食完先覺得有點中伏
可能係我哋食嘢要求高咗
不過支手工啤酒真係有驚喜
下次可以淨係飲啤酒都OK

做人要克苦奮鬥
唔好埋怨社會有幾不公平
唔好抱怨沒有機會
唔好淨係識話邊個邊個做錯乜乜乜
機會是自己努力爭取的
只要做好自己本分多啲包容
努力地面對困難同挫折
總有一天會步出谷底的