本來打算去下水禮
但突然被迫回家工作
個假期就咁泡湯了
但我又唔係飛虎隊
點解要隨傳隨到⋯⋯?
緊急召喚
廚房僭建
今日收齊哂所有物料喇
下午立刻開工安裝廚房果組層架
試吓難度有幾高
雖然只係鑽幾個窿上兩條柱
睇落好似好簡單
但難度在於要精準
因為塊層板距離訂好咗
少少誤差都會有麻煩
好彩今次都成功安裝冇乜偏差
不過都攪咗三粒鐘
最嘥時間係搬開啲雜物
同埋清潔用咗大半工序時間
今次經驗要好好參考
下一步整細房套書枱層架就可以快手啲喇
異形系列第N集
今日去咗睇異形
三十幾年前睇第一第二集
現在嘅故事又返去原作之前發生嘅事情
新瓶舊酒缺乏創意
今集都係冇乜新意
冇乜特別精彩嘅場面
個人覺得有點失望
壁球週日
今天book咗場打波
頭果十五分鐘都ok
跟住開始慢落嚟
最後扯哂蝦
一個鐘都捱唔到
體能真係越嚟越差
唔通真係歲月不饒人？