今日選凸手
結果冇驚喜
都係預期之內
自己冇得揀
唯有聽天由命
希望香港可以重拾正軌啦
今天冇乜安排節目
起身去探岳父
然後去西貢食個炸魚薯條
再去一間想去好耐嘅個性咖啡店
哪裡裝修同咖啡都好有個性
下次會再去幫襯
夜晚返屋企煮個晚餐
輕鬆 hea 吓渡過一天
777特首
涌尾新爐開光
今日在大雨下如常去燒野食
風雨無阻我們對戶外燒烤的熱情
皆因友人屎忽痕在日本購入一個新炭爐一直未開封
幾星期前約好今天去開光儀式
但今朝起身時好大雨
詢問過大家意見後照舊風雨不過
於是便執嘢起程
一路開車都好大雨有點擔心
好采去到時雨勢減弱
我哋喺個涼亭開波
今次真係由朝燒到晚
三餐共冶一爐
燒烤煮炒多功能炭爐
食飽再煲個啡食個蛋糕
享受了一天週日假期
週日BBQ
琴日擺了一個大老烏
以為約了去試新爐
但原來攪錯時間應該係下星期日先啱
不過咁啱又有BBQ活動可以join到喎
所以突然變成去金山燒野食喇
那裡很多馬騮好麻煩
但原來再向上不遠有另一個燒烤場
果度人少啲同馬騮都少啲
去到起好爐便開餐
今次食物好豐富
最特別係塊斧頭牛扒
真係條羊架都被比下去
燒燒吃吃玩玩便四粒鐘
飲飽食醉又一天
新鮮出爐
呢兩日假期女皇要閉關練功
所以好得閒
咁啱可以慢慢砌好隻 Raspberry Pi + WordPress = Web Server
經過一星期嘅研究
琴晚終於都將佢出街喇
雖然自己砌係辛苦過用街外現成嘅 Host
但滿足感完全兩回事
之前暫時做替工果個 site 都可以退役了
希望新網站生生性性
可以服役十年八載啦
不過現在仍然有啲問題未解決到
Upload media limit 唔知點解有 2M 限制
網上爬文試過好多方法都唔得
不過正常寫 blog 一幅相 2M 以下問題不大
最大問題係旅行相簿暫時都未有解決方案
要日後慢慢再諗辦法
第二係隻 raspberry pi 出唔到 hdmi 去 LCD
又係網上爬文都未解決到
除了以上問題
基本上都十分滿意
價錢平成本低
效能都足以應付日常需要
Raspberry Pi 真係繼 iPhone 之後
又一科技上嘅偉大發明呀！