今日補假
可以補返琴晚睇波嘅睡眠時間
瞓到十點幾便起身
諗吓今天有乜攪
本來想整個電腦櫃
但諗諗吓又變咗整女皇梳妝枱
加咗LED照明後就更加完善
用家表示滿意
今晚世界杯進入分組賽第三輪
時間改去十點同凌晨兩點
每組同時開波
呢個時間更加好
睇完頭場瞓覺啱啱好
進入第三輪
Gin Lee 演唱會
好耐冇去紅館睇演唱會了
今晚終於等到睇 Gin Lee
雖然唔係好熟識她的歌
但當聽到她唱的時候又會記起曾經聽過喎
不過都係唔知歌名啦
總括嚟講 Gin Lee 係唱得嘅
只係欠缺一點多元化
如果有點勁歌熱舞會更加精彩啦
今晚去咗睇演唱會所以冇睇英格蘭
所以英軍冇我黑住便可以大開殺戒贏六個一皮
認真唔嘢少
如果keep住個氣勢
下場對比利時就好睇了
週末世界杯
今天成日都落著雨
有時仲好大雨添
今日起身後便去探病
之後食個 tea 先返屋企
夜晚喺屋企睇住波打邊爐
一氣呵成睇三場波非常滿足
狂風暴雨星期五
又到星期五
今晚又輪到巴西
整場都狂攻哥斯達黎加
但九十分鐘都攻唔入
不過進入補時階段才入兩球
終於打開今屆勝利之門